धनगढी ।
आज दिउँसो बाजुराको मैला केन्द्रबिन्दु बनाएर गएको भुकम्पले बाजुरामा घर भत्किएका छन् । भुकम्पपछि नेटवर्कले काम नर्गदा क्षतिको विवरण संकलनमा समस्या देखिएको छ ।
मंगलबार दिउँसो २ बजेर ४३ मिनेटमा गएको ५ दशमलव ९ म्याग्निच्युडको भुकम्पले बाजुरामा केही घर भत्किएको प्रारम्भिक विवरण प्राप्त भएको छ ।
जिल्ला प्रहरी कार्यालयको अनुसार अहिलेसम्म बडिमालिका नगरपालिका ७ मा एउटा र ९ मा २ वटा घर भत्किएको विवरण आएको छ भने संकलन गर्ने काम भइरहेको छ ।अन्य वडामा टेलिफोन सम्पर्क हुन नसक्दा क्षतिको विवरण प्राप्त गर्न समस्या भएको प्रहरीले जनाएको छ ।
यस प्रति तपाइको धारणा के छ ?